Tímamót!

Eftir ótrúlega, krefjandi, skemmtilega og lærdómsríka vegferð sem framkvæmdastjóri Súrefnis hef ég nú hafið nýjan kafla.

Ég vil þakka teyminu mínu, viðskiptavinum og samstarfsaðilum innilega fyrir traustið og frábært samstarf í gegnum árin. Saman náðum við einstökum áföngum í þróun kolefnismarkaðar á Íslandi:

• 🌲 Skógræktarverkefni með vottaðri kolefnisjöfnun – í samstarfi við Hringrás og Land og Skóg (fyrrum Skógræktina), með fyrstu notkun á Skógarkolefni aðferðafræðinni á Íslandi.

• 🔌 Fyrstu virku, vottaðar kolefniseiningarnar á Íslandi – í gegnum fyrsta Verra verkefnið hér á landi, með Ísorku. Verkefnið hefði ekki orðið að veruleika án frumkvæðis og hugrekkis Sigurðar Ástgeirssonar stofnanda Ísorku.

• ♻️ Verra-vottaðar plasteiningar – í samstarfi við Pure North sem varð fyrsta plastendurvinnsla í Evrópu til að fá slíka vottun. Þakkir til Sigurðar Halldórssonar fyrir að láta til sín taka.

• 🌿 Túristaapp styrkt af Rannís – sem sameinaði ferðamennsku og kolefnisbindingu með stafrænum hætti og gróðursetningu trjáa á ferðalaginu.

Við unnum einnig verkefni með samstarfsaðilum víða að, þar á meðal í UAE, Kasakstan og Evrópu, auk fjölda íslenskra fyrirtækja sem tóku þátt í kolefnishlutlausum lausnum og vottunarferlum.

Súrefni heldur áfram rekstri sem miðlari og endursöluaðili vottaðra eininga, og mun áfram veita fyrirtækjum faglega aðstoð við kolefnisjöfnun og sjálfbærnivinnu.

Takk fyrir mig – og áfram veginn.

(Mynd: Fyrsta gróðursetning Hringrásarskógarins, sumar 2022)